Sunday, 11 September 2011

श्री हनुमान चलीसा - Shree Hanuman Chalisa

॥ श्री हनुमान चलीसा ॥


दोहा


श्रीगुरु चरन सरोज रज निज मनु मुकरु सुधारि ।

बरनऊँ रधुबर बिमल जसु जो दायक फल चारि ॥

 

बुद्धिहीन तनु जानिके सुमिरौं पवनकुमार ।

बल बुद्धित बिद्या देहु मोहिं हरहु कलेस बिकार ॥

जय हनुमान ज्ञान गुन सागर । जय कपीस तिहुँ लोक उजागर ॥

राम दूत अतुलित बल धामा । अंजनिपुत्र पवनसुत नामा ॥

 

महाबीर बिक्रम बजरंगी । कुमति निवार सुमति के संगी ॥

कंचन बरन बिराज सुबेसा । कानन कुंचित केसा ॥

 

हाथ बज्र औ ध्वजा बिराजै । काँधे मूँज जनेऊ साजै ॥

संकर सुवन केसरीनन्दन । तेज प्रताप महा जग बन्दन ॥

 

विद्यावान गुनी अति चातुर । राम काज करिबे को आतुर ॥

प्रभु चरित्र सुनिबे को रसिया । राम लखन सीता मन बसिया ॥

 

सूक्ष्म रुप धरि सियाहिं दिखावा । विकट रुप धरि लंक जरावा ॥

भीम रुप धरि असुर सँहारे । रामच्न्द्र के काज सँवारे ॥

 

लाय सजीवन लखन जियाये । श्रीरधुबीर हरषि उर लाये ॥

रधुपति कीन्ही बहुत बड़ाई । तुम मम प्रिय भरतहि समाचार भाई ॥

 

सहस बदन तुम्हरों जस गावैं । अस कहीं श्रीपति कंठ लगावैं ॥

सनकादिक ब्रह्मादि मुनीसा । नारद सारद सहित अहीसा ॥

 

जम कुबेर दिगपाल जहाँ ते । कबि कोबिद कहीं सके कहाँ ते ॥

तुम उपकार सुग्रीवहिं किन्हा । राम मिलाय राज पद दीन्हा ॥

 

तुम्हरों मंत्र बिभीषन माना । लंकेस्वर भए सब जग जाना ॥

जुग सहस्त्र जोजन पर भानू । लील्यो ताहि मधुर फल जानू ॥

 

प्रभु मुद्रिका मेलि मुख माहीं । जलधि लाँघि गये अचरज नाहीं ॥

दुर्गम काज जगत के जेते । सुगम अनुग्रह तुम्हरे तेते ॥

 

राम दुआरे तुम रखवारे । हित न आज्ञा बिनु पैसारे ॥

सब सुख लहै तुम्हारी सरना । तुम रच्छक काहू को डरना ॥

 

आपन तेज सम्हारो आपै । तीनों लोक हाँक तें काँपै ॥

भूत पिसाच निकट नहिं आवै । महाबीर जब नाम सुनावै ॥

 

नासै रोग हरै सब पीरा । जपत निरंतर हनुमत बीरा ॥

संकट तें हनुमान छुड़ावै । मन क्रम बचन ध्यान जो लावै ॥

 

सब पर राम तपस्वी राजा । तिन के काज सकल तुम साजा ॥

और मनोरथ जो कोई लावै । सोई अमित जीवन फल पावै ॥

 

चारों जुग परताप तुम्हारा । है परसिद्ध जगत उजियारा ॥

साधु संत के तुम रखवारे । असुर निकन्दन राम दुलारे ॥

 

अष्ट सिद्धि लौ निधि के दाता । अस बर दीन जानकी माता ॥

राम रसायन तुम्हरे पासा । सदा रहो रघुपति के दासा ॥

 

तुम्हरे भजन राम को पावै । जनम जनम के दुख बिसरावै ॥

अंत काल रघुबर पुर जाई । जहाँ जन्म हरिभक्त कहाई ॥

 

और देवता चित्त न धरई । हनुमत सेई सर्ब सुख करई ॥

संकट कटै मिटै सब पीरा । जो सुमिरै हनुमत बलबीरा ॥

 

जै जै जै हनुमान गोसांई । कृपा करहु गुरु देव की नांई ॥

जो सत बार पाठ कर कोई । छोटहि बंदि मह सुख होई ॥

 

जो यहाँ पढ़ै हनुमान चलीसा । होय सिद्धि साखी गौरीसा ॥

तुलसीदास सदा हरि चेरा । कीजै नाथ हृदय मँह डेरा ॥

 

दोहा


पवनतनय संकट हरन मंगल मूरति रूप ।

राम लखन सीता सहित हृदय बसहु सुर भूप ॥

॥ सियावर रामचन्द्र की जय ॥

॥ पवनसुत हनुमान की जय ॥

॥ उमापति महादेव की जय ।।

॥ बोलो रे भई सब सन्तन की जय ।।     



style="display:inline-block;width:336px;height:280px"
data-ad-client="ca-pub-5656072117057856"
data-ad-slot="8835885279">



SHARE YOUR ARTICLE

If you have any article, photograph, video etc which you want to share with us through our blog. You can send email us at talkduo@gmail.com or click here

3 comments:

  1. jai shri ram i love it. i am always tuch with your blog post.......
    Reseller Hosting India
    Cheap Reseller Hosting India

    ReplyDelete
  2. [url=http://www.monarch-garments.com/cat_breeches.asp]http://www.monarch-garments.com/cat_breeches.asp[/url] Jodhpur polo pants
    I am glad to see that people are actually writing about this issue in such a smart way, showing us all different sides to it. You are a great blogger.
    http://www.monarch-garments.com/cat_breeches.asp

    ReplyDelete
  3. hanuman chalisa in hindi nice to c like this. thanks alot for the ceo of this domain.

    ReplyDelete